ବାଣ୍ଡିଗାଁ ପଞ୍ଚାୟତରେ ଛୋଟ କେନାଲ କାମ ପରେ କାର୍ଯ୍ୟକ୍ଷମ ନଳକୂଅ ଅଚଳ

ଜୟପାଟଣା:୨୩/୫(ଗ୍ରାମୀଣ ଏକ୍ସପ୍ରେସ)କଳାହାଣ୍ଡି ଜିଲ୍ଲାର ଜୟପାଟଣା ବ୍ଲକ ଅନ୍ତର୍ଗତ ବାଣ୍ଡିଗାଁ ପଞ୍ଚାୟତରେ ଏକ କାର୍ଯ୍ୟକ୍ଷମ ନଳକୂଅ ଗତ ଛଅ ମାସ ଧରି ମାଟିରେ ପୋତି ହୋଇ ଅବ୍ୟବହୃତ ହେଇ ପଡ଼ି ରହିଛି, ସେହି ନଳକୂଅ ନିକଟରେ ଛୋଟ କେନାଲ ନିର୍ମାଣ କାର୍ଯ୍ୟ ହେଇ ଥିଲା,ଯାହା ଫଳରେ ଏହି ନଳକୂଅ ମାଟିରେ ପୋତି ହୋଇ ରହିଛି। କେନାଲ କାର୍ଯ୍ଯ କରୁ ଥିବା ଠିକାଦାରଙ୍କୁ ନଳକୂଅ ପାଖରେ ମାଟି ପକାଇବା ପାଇଁ ବିରୋଧ କରା ଯାଇ ଥିଲା। ତଥାପି ସେହି ନଳକୂଅ ପାଖରେ ମାଟି ପକାଇ ନଳକୂଅକୁ ପୋତି ଦିଆ ଯାଇଛି।ସେହି ଦିନ ଠାରୁ କେନାଲ କାର୍ଯ୍ୟ ର ମାଟିରେ ପୋତି ହେଇ ଅଚଳ ରହି ନଳକୂଅ।ସ୍ଥାନୀୟ ବାସିନ୍ଦାଙ୍କ ଅଭିଯୋଗ ଅଞ୍ଚଳରେ କେନାଲ କାମ ନହେବା ପର୍ଯ୍ୟନ୍ତ ନଳକୂଅ ଠିକ୍ ଭାବରେ କାର୍ଯ୍ୟ କରୁଥିଲା। ଯେଉଁ ଦିନ ଠାରୁ କେନାଲ କାର୍ଯ୍ୟ ହେଇଛି ସେ ଦିନ ଠୁ ନଳକୂଅରୁ ପାଣି ଯୋଗାଣ ବନ୍ଦ ହୋଇଯାଇଛି, ଯାହା ଫଳରେ ପାନୀୟ ଏବଂ ଘରୋଇ ବ୍ୟବହାର ପାଇଁ ଏହା ଉପରେ ନିର୍ଭର କରୁଥିବା ଗ୍ରାମବାସୀଙ୍କ ମଧ୍ୟରେ ଚିନ୍ତା ସୃଷ୍ଟି କରିଛି। ନଳକୂଅ ପାଣି ମୁଖ୍ୟ ଉତ୍ସ ହେଇ ଥାଏ ଜନସାଧାରଣଙ୍କ ପାଇଁ,କିନ୍ତୁ ନିକଟରେ କେନାଲ କାମ ଆରମ୍ଭ ହେବା ପରଠାରୁ ଏହା ହଠାତ୍ କାମ ବନ୍ଦ କରିଦେଇଛି।କର୍ତ୍ତୃପକ୍ଷଙ୍କୁ ବାରମ୍ବାର ଅନୁରୋଧ କରିବା ସତ୍ତ୍ୱେ, ସମସ୍ୟାର ସମାଧାନ ହୋଇନାହିଁ, ବିଶେଷକରି ଚଳିତ ଗ୍ରୀଷ୍ମ ମାସରେ ଅନେକ ପରିବାର ସଂଘର୍ଷ କରୁଛନ୍ତି। ସ୍ଥାନୀୟ ଲୋକମାନେ ଏବେ ପ୍ରଶାସନକୁ ତଦନ୍ତ କରିବାକୁ ଅନୁରୋଧ କରୁଛନ୍ତି ଯେ କେନାଲ ନିର୍ମାଣ ଯୋଗୁଁ ଭୂତଳ ଜଳ ପ୍ରବାହ ବାଧାପ୍ରାପ୍ତ ହୋଇଛି କି ନଳକୂପକୁ ଯାନ୍ତ୍ରିକ କ୍ଷତି ହୋଇଛି।ପଞ୍ଚାୟତ ଅଧିକାରୀମାନେ ଏହି ନଳକୂଅକୁ ଅଣଦେଖା କରି ନୀରବ ରହିଛନ୍ତି। କେବେ ଏହି ମାମଲା ଉପରେ ବିଚାର କରିବେ ଏବଂ ଆବଶ୍ୟକୀୟ ମରାମତି କିମ୍ବା ପୁନରୁଦ୍ଧାର ପଦକ୍ଷେପ କେବେ ନିଆଯିବ।ଏହି ପରିସ୍ଥିତି ଭବିଷ୍ୟତରେ ଏପରି ବାଧାକୁ ଏଡାଇବା ପାଇଁ ଜଳସେଚନ ପ୍ରକଳ୍ପ ଏବଂ ସ୍ଥାନୀୟ ଜଳ ଭିତ୍ତିଭୂମି ମଧ୍ୟରେ ଉତ୍ତମ ସମନ୍ୱୟର ଆବଶ୍ୟକତାକୁ ସ୍ପଷ୍ଟ କରୁଛି।